Vacature

Trahadó Pedagógiko - NSO

Nos Akohida di Mucha (NSO) ta un lugá kaminda kresementu, dibertishon i siguridat ta bai man den man. Aki muchanan ta haña e oportunidat pa deskubrí, desaroyá nan talento i disfrutá di nan tempu despues di skol.

Nos ta buska un Trahadó Pedagógiko entusiasmá i dediká pa forma parti di nos tim di Stichting Birgen Maria Kinderopvang.

Kiko bo ta bai hasi?

Komo trahadó pedagógiko di NSO, bo ta guia un grupo di mucha den nan desaroyo personal, sosial i emoshonal. Bo ta sòru pa un ambiente agradabel, ku struktura i siguridat, kaminda muchanan por disfrutá di nan atardi despues di skol. Ku bo kreatividat i atenshon personal, bo ta organisá aktividatnan edukativo i rekreativo ku ta stimulá e desaroyo, independensia i kolaborashon entre muchanan.

Ken nos ta buska?

Nos ta buska un trahadó pedagógiko ku tin diploma MBO/SPW nivel 3 òf 4, ku:

  • Ta biba na Boneiru i ta disponibel pa traha 30 òf 40 ora pa siman.
  • Ta mantené trankilidat i struktura, asta den momentunan di hopi aktividat.
  • Ta kreativo i sa organisá aktividatnan sin pèrdè bista riba e struktura.
  • Ta traha di forma profeshonal, ku kurason i atenshon pa kada mucha.
  • Ta gusta kolaborá ku koleganan i ta asumí responsabilidat.
  • Ta traha ku entusiasmo, energia i alegria.
  • Tin ideanan original i sa kon pa transformá nan den aktividatnan interesante i stimulante.
  • Ta komuniká bon i ta funshoná efektivamente den un tim.

Kiko nos ta ofresé?

Stichting Birgen Maria Kinderopvang ta ofresé oportunidat úniko pa:

  • Forma parti di un tim dediká ku ta reuní regularmente pa planifiká, konsultá i evaluá e trabou.
  • Interkambiá eksperensia i siña di koleganan na otro lokalidatnan.
  • Desaroyá bo mes tantu den práktika diario komo mediante dianan di estudio i formashon.
  • Sigui studia pa optené un diploma MBO nivel 4 mediante un trayekto BBL.
  • Kontribuí aktivamente na bienestar i desaroyo di muchanan na Boneiru.

E funshon aki ta pas ku bo? Solisitá!

Manda bo karta di solisitut huntu ku bo CV promé ku 20 di novèmber 2026 na:
solliciteren@birgenmaria.org
dirigí na sra. Silvana Janga-Serfilia.

Aplikashonnan tambe por wòrdu entregá usando e formulario aki bou.

Nos ta spera di risibí bo solisitut ku hopi interes!

Solliciteer nu!

Velden met een sterretje (*) zijn verplicht.

    Andere vacatures